“Peyvəndin Bakıya gətirilməsi dostluq jestidir” - Rusiya səfiri

  02 May 2021    Oxunub : 2211
   “Peyvəndin Bakıya gətirilməsi dostluq jestidir” -    Rusiya səfiri
"Rusiya pandemiyaya qarşı mübarizədə qardaş Azərbaycana kömək etmək üçün əlindən gələni edir".

Azvision.az xəbər verir ki, bunu Rusiyanın Azərbaycandakı səfiri Mixail Boçarnikov deyib. Onun sözlərinə görə, “Sputnik V” vaksininin Bakıya gətirilməsi Rusiyanın Azərbaycana münasibətində dostluq jestidir.
"Peyvənd Azərbaycanın koronavirus infeksiyasına qarşı mübarizəsində öz töhfəsini verəcək. Əminəm ki, bugünkü aksiya ölkələrimiz arasında çox yaxın və mehriban xarakterli münasibətlərin daha da möhkəmləndirilməsinə xidmət edəcək”, - deyə səfir bildirib.

Qeyd edək ki, bu gün Rusiyadan Azərbaycana “Sputnik V” vaksinlərinin ilk partiyası gətirilib. İlkin olaraq 40 min doza peyvənd çatdırılıb.

Azvision.az

Teqlər: MixailBoçarnikov