“Azərbaycan Gürcüstanı xilas etdi” - BMT Baş katibinin müşaviri

  04 May 2021    Oxunub : 3028
“Azərbaycan Gürcüstanı xilas etdi” -  BMT Baş katibinin müşaviri
Koronavirusun ikinci dalğası zamanı Azərbaycan Gürcüstanı xilas etdi.
Azvision.az xəbər verir ki, bunu BMT Baş katibinin səhiyyə üzrə müşaviri Georgi Pxakadze deyib.

Onun sözlərinə görə, Azərbaycan tərəfindən tibbi oksigen verilməsəydi, Gürcüstanda ölüm halları daha çox olardı.

“Hazırda Gürcüstanda siyasi vəziyyət mürəkkəbdir. Siyasətçilər hər şeyin qaydasında olduğunu göstərməyə çalışırlar, lakin belə deyil. Təhlükəsizlikdə olmaq üçün əhalinin 90 faizi peyvənd edilməlidir. Epidemiyaya baxmayaraq, ölüm hallarının artması gözlənilmir, çünki virusla mübarizə aparmağı bilirik”, – Pxakadze bildirib.

O, koronavirusun ikinci dalğası zamanı Gürcüstana kömək etdiyi üçün Azərbaycana təşəkkürünü bildirib:

“Biz demək olar ki, bu ölkə sayəsində sağ qala bildik. Ötən ilin noyabrında gün ərzində təxminən 7 min yoluxma olarkən, Azərbaycan Gürcüstan xəstəxanalarına oksigen tədarük edirdi. Azərbaycan olmasaydı, Gürcüstanda ölüm sayı çox yüksək olardı”.

Pərvanə Sultanova
Azvision.az

Teqlər: Gürcüstan   Azərbaycan