Rusiyada atışma olub: Yaralılar var
Polisə Borodin küçəsindəki evlərdən birinin pəncərəsindən atəş səsləri eşidilməsi barədə məlumat daxil olub. Polis dərhal hadisə yerinə gedib. Məlum olub ki, pəncərədən açılan atəş nəticəsində küçədən keçən bir qız və Rusiya Milli Qvardiyasının əməkdaşı yaralanıb.
Qızın vəziyyətinin ağır olduğu deyilir.
"Qız ağır vəziyyətdədir, kişinin vəziyyəti isə orta ağırdır", - deyə Səhiyyə Nazirliyinin Sverdlovsk vilayəti üzrə mətbuat xidmətindən bildirilib.
Hadisə yerində atəş açan kişinin şəxsiyyəti, istifadə etdiyi silahın tipi müəyyənləşdirilir.
Azvision.az