İtaliyalı senator Ermənistandan mina xəritələrini tələb etdi
Azvision.az xəbər verir ki, İtaliya Senatının “Yaşasın İtaliya” partiyasından olan üzvü, senator Mauro Maria Marino "Facebook" hesabından belə bir çağırışla Ermənistana səslənib.
"Qarabağın işğaldan azad edildiyi bir vaxtda əsas hədəf məcburi köçkünlərin öz evlərinə qaytarılmasına yönəldilməlidir. Ermənilərdən geridə qalan minalanmış, dağıdılmış ərazilər var olduqca, bu mümkün görünmür. Odur ki, müvafiq beynəlxalq qanunların tələblərinə əməl etməklə, Ermənistan mina xəritəsini təqdim etməli və əldə olunmuş razılaşmanın ( 10 noyabrda Azərbaycan, Ermənistan və Rusiya arasında Qarabağda döyüşlərin dayandırılması ilə bağlı razılaşma imzalanıb- red.) şərtlərini təmin etməlidir".
Azvision.az