Bəs cari ildə xaricdə təhsil almaq istəyənlər bu imkandan yaralana biləcəkmi?

Təhsil eksperti Elçin Süleymanov Azvision.az -a bildirib ki, COVID-19 pandemiyasının turizm sektorundan sonra ən çox mənfi təsir göstərdiyi sahələrdən biri təhsildir.

“Ölkələrarası səyahətlərin məhdudlaşmasından dolayı təhsil sahəsində beynəlxalq mobillik minimuma endi. Bir çox ölkə xaricdən tələbə qəbulunu məhdudlaşdırdı. 2020-ci ildə beynəlxalq təhsil daha çox distant təhsil imkanlarından ibarət oldu. Bu il vəziyyətin müəyyən qədər yaxşılaşacağını ümid etmək olar. Artıq peyvəndlərin tətbiqi və COVID pasportlaşması sayəsində bir çox ölkə sentyabr ayından ənənəvi təhsilə başlayacağını elan edib. Bu isə onu deməyə əsas verir ki, xaricdə təhsil almağa gedənlərin sayında kifayət qədər artım olacaq”.

Təhsil eksperti bildirib ki, prosesə mənfi təsir göstərən faktor təyyarə biletlərinin müəyyən qədər baha olmasıdır:

“Digər problem bəzi ölkələrin müəyyən dövlətlərdə tətbiq edilən vaksinləri qəbul etməməsindən qaynaqlana bilər. Amma Azərbaycan vətəndaşları daha çox qardaş Türkiyənin təhsil müəssisələrini seçdiyi üçün bu yöndə çox ciddi problem yaşanmayacaq”.

Aytən Zəhra
Azvision.az