Yeni Fond xaricdə oxumaq istəyənlərə kredit verməyəcək

  18 İyun 2021    Oxunub :586
   Yeni Fond xaricdə oxumaq istəyənlərə kredit verməyəcək
Tələbə kreditləri həmin ildə olan təhsil haqlarına uyğun veriləcək. Kreditlər təhsil haqqının ən yüksək faizi nəzərə alınmaqla veriləcək. Bu 80-100 faiz də ola bilər.

Azvision.az xəbər verir ki, bunu Təhsil naziri Emin Əmrullayev deyib.
O bildirib ki, Təhsil Tələbə Krediti Fondu xaricdə təhsil almaq istəyən tələbələr üçün deyil, Azərbaycan universitetləri üçün nəzərdə tutulub: "Tələbə kreditlərinin faizi çox aşağı olacaq. Məsələn sosial paketdə bu ik faizdir və olduqca azdır".

Xatırladaq ki, əhalinin aztəminatlı təbəqələrindən olan şəxslərin təhsilə əlçatanlığını təmin etmək, təhsil almaqda bərabər imkanlar yaratmaq və təhsilin əhatə dairəsini genişləndirmək məqsədilə Prezident İlham Əliyev “Azərbaycan Respublikası Təhsil Nazirliyinin tabeliyində Təhsil Tələbə Krediti Fondunun yaradılması və fəaliyyətinin təmin edilməsi ilə bağlı bir sıra tədbirlər haqqında” Fərman imzalayıb.

Aytən Zəhra
Azvision.az

Teqlər: Tələbə   kredit  






Xəbər lenti