Müdafiə Nazirliyinin kanalı "Gümüş mükafat”a layiq görüldü

Müdafiə Nazirliyinin kanalı "Gümüş mükafat”a layiq görüldü
  03 İyul 2021    Oxunub:854
Müdafiə Nazirliyinin yutub kanalı şirkət tərəfindən “Gümüş mükafat”a layiq görülüb.
Azvision.az xəbər verir ki, yutub şirkəti tərəfindən təsis edilmiş “Gümüş mükafat” Müdafiə Nazirliyinin rəsmi yutub kanalını idarə edən heyətə təqdim olunub.

Yutubun simvolunu əks etdirən mükafat 100 min nəfərdən artıq abunəçisi olan şəxslərə, şirkətlərə, dövlət və qeyri-hökumət təşkilatlarına təqdim edilir. Qeyd edək ki, Müdafiə Nazirliyinin rəsmi yutub kanalı 2016-cı ilin iyunundan fəaliyyətə başlayıb. Bu müddət ərzində Müdafiə Nazirliyinin rəsmi yutub kanalına 2000-ə yaxın video yüklənib. Ötən müddət ərzində kanala yerləşdirilən videoların ümumi izlənmə sayı 43 milyon 500 mindən artıqdır. 2021-ci ilin iyul ayına olan məlumata əsasən kanalın abunəçi sayı 107 mindən çoxdur.

Azvision.az


Teqlər: Müdafiə-Nazirliyi  





Xəbər lenti