Yeni telekanal açılacaq: 6 namizəd var

  07 İyul 2021    Oxunub :519
Yeni telekanal açılacaq:  6 namizəd var
İxtisaslaşmış (təhsil və elmi-maarifləndirici) ümumrespublika televiziya kanalının açılması üçün (Bakı şəhəri və Abşeron yarımadası ərazisində SD yayım üçün 48-ci TV kanalı, HD yayım üçün 34-cü TV yayım kanalı) 7 iyun 2021-ci il tarixdən 7 iyul 2021-ci il tarixədək Milli Televiziya və Radio Şurasının (MTRŞ) elan etdiyi müsabiqə üçün sənəd qəbulu başa çatıb.
Bu barədə Azvision.az - a MTRŞ-dan məlumat verilib.

Müsabiqə çərçivəsində 6 iddiaçı Şuraya sənədlərini təqdim edib:

"APA Mark" MMC;
"Təhsil TV" MMC;
"Balans Studiyası" MMC;
"İNS ÇM" MMC;
"İsti Press" MMC
"Medical Media" MMC

"Televiziya və radio yayımı haqqında" Azərbaycan Respublikasının Qanunun 19.1-ci maddəsinə əsasən, Milli Televiziya və Radio Şurası müsabiqəyə sənəd qəbulunun başa çatmasından sonrakı 30 gün ərzində iddiaçıların sənədlərini araşdırıb müsabiqənin nəticələri barədə qərar qəbul etməlidir.

Azvision.az

Teqlər: MTRŞ  






Xəbər lenti