"Miqrantlarımızı geri çağırmağım zarafat idi"- Erməni nazir

"Miqrantlarımızı geri çağırmağım zarafat idi"- Erməni nazir
  22 İyul 2021    Oxunub:1326
Ermənistanın iqtisadiyyat naziri vəzifəsini icra edən Vahan Kerobyan ölkədə qalmaqala səbəb olmuş erməni miqrantlarla bağlı açıqlamasına aydınlıq gətirib. Azvision.az xəbər verir ki, nazir bu gün media nümayəndələri üçün keçirdiyi briffinqdə vətəndaşların ölkəyə qayıtması ilə bağlı çağırışını zarafat etdiyini bildirib:
"Mən bunu zarafata dedim. Sadəcə vurğulamağa çalışmışdım ki, Ermənistanda çoxlu sayda iş var və şanslarını xaricdə sınayan insanlar burada yaxşı iş yeri tapa biləcəklər".

Nazirdən erməni miqrantlara çağırış: "Geri qayıdın"
Xatırladaq ki, dünən Vahan Kerobyan ölkəni kütləvi şəkildə tərk etmiş vətəndaşları Ermənistana qayıtmağa çağırıb. Nazir iqtisadi böhran fonunda şirnikləndirici və şişirdilmiş statistikalar da səsləndirərək xeyli sayda boş iş yerinin qaldığını bəyan edib.

“Hazırda tikinti, kənd təsərrüfatı, İT, istehsalat və hətta taksilərlə bağlı kəskin işçi çatışmazlığı var. Buna görə də, ölkəmizi gücləndirmək və inkişaf etdirmək üçün iş dalıyca ölkədən getmiş qohumlarınızı geri gətirməyə çağırıram",- Kerobyan deyib.

Tural Tağıyev
Azvision.az




Teqlər:   Ermənistan   Miqrant  





Xəbər lenti


Azvision.az ©2014 | Bütün hüquqları qorunur