Almanlar 65 min banka pivəni Əfqanıstandakı insanlardan əvvəl çıxarıblar

  20 Avqust 2021    Oxunub :1642
   Almanlar    65 min banka pivəni    Əfqanıstandakı insanlardan əvvəl çıxarıblar
Əfqanıstandakı işçilərinin təxliyəsi zamanı Almaniya hakimiyyəti əvvəlcə 65 min banka pivəni çıxarmağa qərar verib. Berlin insanları yalnız bundan sonra xilas etməyə başlayıb.
Azvision.az xəbər verir ki, bu haqda alman nəşri “Bild” yazır.

Böyük miqdarda spirt partiyasının Məzari-Şərifdəki bazada olduğu bildirilir. Eyni yerdə limonadlı pivə içkiləri, 340 şüşə şərab və şampan da varmış. Alkoqolun ümumi miqdarı 22,5 min litr imiş.

Nəşr yazır ki, Azad Demokrat Partiyasının inkişaf üzrə mütəxəssisi Kristof Hoffman Berlinin yalnız Bundesver köməkçilərini çıxarmaq niyyətindən çaşqınlıq içərisində olduğunu ifadə edib. Almaniya Beynəlxalq Əməkdaşlıq Cəmiyyəti GIZ -də çalışan Əfqanıstan sakinlərinin təxliyə etməyi də planlaşdırmır.

Almaniyanın xarici işlər naziri Heiko Maasın sözlərinə görə, t əxliyə edilə bilən insanların sayı maksimum 2000 nəfəri keçməməlidir. O əlavə edib ki, yuxarıda qeyd olunan əfqanları çıxarmağa başlasaq, gərək 20 min insanı xilas edək.

“Bild” nəşri Almaniya hakimiyyət orqanlarını tənqid edərək, pivəni Əfqanıstanda olan insanların həyatından üstün tutmaqda günahlandırıb.

Xatırladırıq ki, Taliban Kabulu 15 avqustda döyüşsüz silahsız ələ keçirib. Əfqanıstan Prezidenti Əşrəf Qani istefa verərək, ölkəni tərk edib. O bunu qan tökülməməsi üçün etdiyini bəyan edib. 16 avqustda “Taliban” hərəkatı siyasi bürosunun sözçüsü Məhəmməd Naim Əfqanıstanda müharibənin bitdiyini elan edib. O əlavə edib ki, idarəetmə forması yaxın vaxtlarda açıqlanacaq.

Hazırda ABŞ və NATO ölkələri ilə əməkdaşlıq edən xarici işçilərin və əfqanların təxliyəsi aparılır. Bu proses Qərb dövlətlərinin qoruduğu Kabil hava limanında həyata keçirilir.

Nadir Quliyev
Azvision.az

Teqlər: Almaniya   Əfqanıstan   Pivə  







Xəbər lenti