Rusiya səfirliyi "Navalnı işi" nə görə Britaniyaya xəbərdarlıq etdi

  21 Avqust 2021    Oxunub :687
   Rusiya səfirliyi  "Navalnı işi" nə görə Britaniyaya xəbərdarlıq etdi
Rusiyanın Böyük Britaniyadakı səfirliyi, siyasi fəal Aleksey Navalnının zəhərlənməsi işi ilə bağlı sanksiyaların genişləndirilməsinə sərt reaksiya verib.
Azvision.az xəbər verir ki, səfirlik məlum məsələ ilə əlaqədar olaraq, hər hansı bir xoşməramlı olmayan addımın cavabsız qalmayacağını bəyan edib.

Qeyd edək ki, cümə günü İngiltərə hökuməti Navalnının zəhərlənməsi ilə əlaqədar kimyəvi silah sanksiyaları siyahısına yeddi rusiyalını əlavə etdi. Siyahıda Aleksey Aleksandrov, Vladimir Pinyaev, İvan Osipov, Vladimir Boqdanov, Kiril Vasiliev, Stanislav Makşakov və Aleksey Sedov var. Britaniya tərəfinin bildirdiyinə görə, onların hamısı Rusiya FSB -nin əməkdaşlarıdır. Londona görə, bu şəxslər, keçən ilin avqustunda Navalnının zəhərlənməsində birbaşa və ya dolayısı yolla iştirak ediblər. Rəsmi London adıçəkilən şəxslərin zəhərlənmə əməliyyatlnda iştiraklarının sübutu olaraq telefon danışıqlarının qeydlərini və onların müəyyən dacranışları haqqında olan məlumatları göstərir.

Xatırladaq ki, Navalnı ötən il avqustun 20 -də Tomskdan gələn təyyarədə halı pisləşdiyin üçün Omskda xəstəxanaya yerləşdirilmişdi.

Tural Tağıyev
Azvision.az

Teqlər: Navalnı   Rusiya  







Xəbər lenti