"31 avqustdan sonra heç bir təxliyə əməliyyatına icazə verməyəcəyik" Mücahid deyib. O əlavə edib ki, hərəkatın tərəfdarları "Kabildəki beynəlxalq hava limanına gedən yolu da bağlayıblar və ora yalnız xarici vətəndaşlar buraxılır". Eyni zamanda, əvvəllər bildirilmişdi ki, ölkəni tərk etmək üçün müvafiq sənədləri olan əfqanlar paytaxt hava limanına gedə bilərlər.

"Kabul hava limanında gördüklərimiz ağrılı bir mənzərədir və amerikalılar əfqanları ölkəni tərk etməyə çağırmamalıdır" deyən Mücahid Əfqanıstanda Taliban hakimiyyəti ələ keçirdikdən sonra Kabul hava limanında vəziyyəti şərh edib.

Mücahid əlavə edib ki, Taliban Kabul hava limanına gedən yolu bağlayıb və ora yalnız xaricilər buraxılır. "Hava limanına gedən yolu bağladıq və yalnız xaricilərin keçməsinə icazə verdik", - Mücahid deyib.


Ağ Evin mətbuat katibinin müavini Endryu Batesin çərşənbə axşamı dediyi kimi, 14 avqustdan bəri ABŞ müttəfiqləri ilə birlikdə təxminən 58.700 nəfəri Kabul hava limanından təxliyə edib. "Reuters"in Ağ Evdəki mənbəyə istinadən verdiyi məlumata görə, ABŞ prezidenti Co Baydenin yaxın 24 saat ərzində amerikalıların Əfqanıstandan çıxarılması üçün hərbi əməliyyatın son tarixinin 31 Avqustdan sonra uzadılıb uzadılmayacağına dair qərar verəcəyi gözlənilir. “Taliban” isə bu tarixdən sonra ABŞ əsgərlərinin ölkədə qalmasını Əfqanıstanın işğalının davamı olaraq görəcəyini bildirib.

Nadir Quliyev
Azvision.az