O, 80 ildən çoxdur düşmənçilik edən, buna baxmayaraq diplomatik əlaqələri kəsməyən İran və İraqı nümunə göstərib.
Siyasətçi ona da qeyd edib ki, Kiyev hazırda "Rusiyadan asılılığın azaldılmasına" doğru irəliləyir, halbuki Rusiya bir vaxtlar Ukraynanın ilk tərəfdaşı olub, amma indi beşinci yeri tutur.
Avqustun 17-də Ukraynanın eks-prezidenti Viktor Yanukoviç ölkənin 30 illik müstəqillik dövründə əsas səhvinin Rusiya ilə mehriban qonşuluqdan imtina etməsini göstərmişdi. O, Ukraynanın Rusiyadan imtina etməsinin cəmiyyətdə parçalanmaya, sosial qeyri-sabitliyə, dərin iqtisadi böhrana, millətçi təşkilatların azğınlığına, müxalifətin təqib edilməsinə, həmçinin rejimə zidd olan medianın təqibinə gətirib çıxardığını söyləmişdi.
İyunun 2 -də Ali Radanın “Müxalifət Platforması - Həyat naminə” partiyasından deputatı Vadim Rabinoviç Rusiya ilə ticarət əlaqələrinin rədd edilməsinin Ukrayna iqtisadiyyatı üçün fəlakət olduğunu bildirmişdi. Millət vəkili Kiyevin bütün qonşuları ilə dalaşdığına diqqət çəkmiş, bunun Ukrayna üçün izsiz ötüşməyəcəyini qeyd etmişdi.
Yanukoviç 2014-cü il dövlət çevrilişinin səbəblərindən danışıb |
Rusiya ilə Ukrayna arasındakı münasibətlər 2014-cü ildə keçirilən referendum nəticəsində Krım yarımadasının Rusiyaya birləşdirilməsindən sonra pisləşib. O zaman Krım seçicilərinin 96,77% -i və Sevastopol sakinlərinin 95,6% -i yarımadanın Rusiya Federasiyasına daxil olmasına səs verdiyi bildirilmişdi. Kiyev Krımı müvəqqəti işğal olunmuş ərazi elan edərək, ona olan iddialarını saxlayır. Rusiya Federasiyası rəhbərliyi isə israrla bildirir ki, bölgə sakinləri beynəlxalq hüquqa tam uyğun olaraq demokratik şəkildə yenidən Rusiyaya birləşməyə səs veriblər.
Nadir Quliyev
Azvision.az