Azvision.az qəhrəmanlarımızın Vətənə əmanət edilən övladlarının hansı ali təhsil müəssisələrinə daxil olmasını təqdim edir:

Azərbaycanın Milli Qəhrəmanı, şəhid general-mayor Polad Həşimovun qızı Aybəniz Həşimova Azərbaycan Tibb Universitetinin “Müalicə işi” ixtisasına qəbul olub.


Vətən müharibəsində qəhrəmancasına şəhadətə ucalan mayor Elçin Alıyevin oğlu Orxan Alıyev Azərbaycan Dövlət Bədən Tərbiyəsi Akademiyası Məşqçi ixtisasına qəbul olub.


Tovuz döyüşlərində qəhrəmancasına şəhadətə ucalan mayor Anar Novruzovun qızı Firuzə Novruzova Xəzər Universitetinin Tarix müəllimliyi ixtisasına qəbul olunub.



Vətən müharibəsinin qəhrəman şəhidi, müddətdən artıq hərbi xidmətçi Fərəcov Zülfüqarın oğlu Əmrah Texniki Universitetin tələbəsi adını qazanıb.



Vətən müharibəsində qəhrəmancasına şəhadətə ucalan leytenant Azər Şəmilovun oğlu Fədayət Şəmilov Azərbaycan Dövlət İqtisad Universitetinin Maliyyə və mühasibat fakültəsinə qəbul olub.



Aprel döyüşlərində qəhrəmancasına şəhadətə ucalan mayor Rasim Məmmədovun qızı Aysu Məmmədova Türkiyə Respublikası Bilecik Şeyh Edebali Universitetinin Maliyyə fakültəsinə qəbul olub.



Tələbə adını qazanan qəhramanlarımızın övladlarını təbrik edirik

Aytən Zəhra
Azvision.az