Paralimpiyaçılarımızın qarşılanma mərasimi olub- FOTOLAR

  07 Sentyabr 2021    Oxunub :333
Paralimpiyaçılarımızın qarşılanma mərasimi olub-   FOTOLAR
Xəbər verdiyimiz kimi Azəbaycan Milli Paralimpiya Komandasının “Tokio 2020” Yay Paralimpiya Oyunlarında çıxışları yekunlaşıb. İdmançılarımız 14 qızıl, 1 gümüş və 4 bürünc olmaqla ümümilikdə 19 medal qazanıblar.
Bu Azərbaycan Paralimpiya tarixində rekord nəticə sayılır. Artıq idmançılarımız Vətənə qayıdırlar və onlar hava limanında böyük coşqu ilə qarşılanırlar. Bu gün səhər saatlarında Vətənə dönən paralimpiyaçıların bir qrupunun qarşılanma mərasimi olub. Hava limanında təşkil olunan törəndə iştirak edən Xəzər Rayon Gənclər və İdman İdarəsinin əməkdaşları da iştirak ediblər. İdarə rəisi Vüqar Əliyev Azvision.az –a verdiyi açıqlamada deyib ki, idmançılarımızın yalnız medal qazanmaları deyil, əlavə olaraq bir sıra rekord nəticələrə də imza atmaları qürurlandırıcı məqamdır:

“Bildiyiniz kimi atletika idman növü üzrə idmançımız Həmid Heydəri nizə atma növü üzrə 51.42 m nəticə göstərərək dünya rekorduna imza atıb. Atletika idman növü üzrə digər idmançımız Elvin Astanov ( F53 - nüvə itələmə) növü üzrə 8.77 metr nəticə göstərərək dünya rekordunu yeniləyib. Üzgüçülük idman növü üzrə təmsilçi Vəli Israfilov isə 1:04.86 nəticə ilə Paralimpiya rekorduna imza atıb. Bundan başqa atletika idman növü üzrə idmançı Lamiyə Vəliyeva 400 metr kateqoriyasında 55.00 saniyəlik Paralimpiya rekordunu yeniləyib. Bütün bunlar bizi fərəhləndirir və paralimpiyaçılarımızı bir daha təbrik edirik. Tokioda sərgilənən bu uğur, nailiyyətlər Azərbaycan dövlətinin idmana, gənclərə göstərdiyi qayğının nəticəsidir. Uzun illər ölkə rəhbərliyi, cənab Prezident İlham Əliyev idmanın bütün sahələrinin inkişafına dəstək göstərib. Onun sayəsində Azərbaycan idmançıları daha da yüksək zirvələri fəth etməyi bacardılar, birbaşa Prezidentin diqqət və qayğısının bariz nümunəsidir ki, Azərbaycan paralimpiyaçıları dünya nəhənglərini qabaqlamağı bacardılar”.

Müsahibimiz fikirlərini onu da əlavə edib ki, qarşılama tədbirində Gənclər və İdman nazirinin müavini, Əmək və Əhalinin Sosial Müdafiə nazirinin müavini, gənclər və idman idarələrinin rəisləri və müavinləri də iştirak ediblər.







Azvision.az

Teqlər: Paralimpiya  






Xəbər lenti