"Belarusa hərbi təhlükə də var" - Aleksey Xlopotov (Eksklüziv)

  15 Sentyabr 2021    Oxunub :517
 "Belarusa hərbi təhlükə də var" -   Aleksey Xlopotov (Eksklüziv)
"Hazırda Belarus prezident Lukaşenkonun simasında prezident seçkilərinin nəticələrinin tanınmaması ilə əlaqədar Qərb ölkələrinin ciddi təzyiqləri ilə üzləşir. Təzyiqlər təkcə siyasi deyil, hərbi təhlükə də var".
Bunu Azvision.az -ın rus redaksiyasına açıqlamasında rusiyalı hərbi ekspert Aleksey Xlopotov Belarusun Rusiyadan "S-400" zenit-raket kompleksləri almaq niyyətini şərh edərkən deyib.

Onun sözlərinə görə, bu, əsasən hipotetik təhlükədir, amma faktor olaraq mövcuddur. Və Lukaşenko bu siyasi təhlükədən daxili mövqelərini gücləndirmək üçün istifadə edir. Bu baxımdan yeni silahların alınması tamamilə məntiqli bir addım kimi görünür - ölkənin müdafiəsini gücləndirməklə bağlı narahatlıq var. Eyni zamanda, onun qarşısında Rusiyadan tədarük edilən silahların pulunu ödəmək məsələsi dayanmır. Lukaşenko ümid edir ki, bu borclar sonunda silinəcək. Ya da onun gedişindən sonra başqa adamların problemi olacaq.

"Rusiyanın Belarusa ən müasir müdafiə sistemləri S-400 daxil olmaqla niyə silah tədarük etdiyindən danışsaq, hər şey olduqca sadədir: bunun səbəbi NATO-nun hava hücumu silahlarının qarşısını mümkün qədər almaqdır ”, - Xlopotov bildirib.

O, əlavə edib ki, Belarus qərb istiqamətində Rusiya tərəfi üçün etibarlı bir hərbi forpost olaraq görülür: "Buna görə də, silahların pulsuz çatdırılması təbii qəbul olunur. Dövlət onsuz da gec-tez bu komplekslərin istehsalçılarına pul ödəyəcək. Bəzi yüksək rütbəli Rusiya liderləri bundan konkret pul qazanacaqlar. Söhbət heç də kiçik məbləğdən getmir. Beləliklə, hər kəs qazanc əldə edir. Bu, Rusiyanın "NATO-nun genişlənməsinə" verdiyi cavab, "qardaş xalqa" kömək və konkret ciblərə gedən gəlirdir. Lukaşenkonun isə siyasi oyunlarda daha bir kozırı var".

Pərvanə Sultanova
Azvision.az

Teqlər: Rusiya   Belarus  







Xəbər lenti