Ceyhun Bayramov Serbiyaya gedib

  10 Oktyabr 2021    Oxunub :188
   Ceyhun Bayramov Serbiyaya gedib
Azərbaycanın xarici işlər naziri Ceyhun Bayramovun rəhbərlik etdiyi nümayəndə heyəti Qoşulmama Hərəkatının 60 illiyinə həsr olunmuş Yüksək Səviyyəli Tədbirində iştirak etmək məqsədi ilə Belqrad şəhərinə yola düşüb.
Bu barədə Azvision.az Azərbaycan Xarici İşlər Nazirliyinə istinadən xəbər verir.

Səfər çərçivəsində nazir Ceyhun Bayramovun, həmçinin Serbiya Respublikasının xarici işlər naziri və digər rəsmilər ilə ikitərəfli görüşlərinin keçirilməsi nəzərdə tutulur.

Serbiyanın paytaxtı Belqrad oktyabrın 11-12-də Qoşulmama Hərəkatının Sammitinə ev sahibliyi edəcək.Belqradda keçirilmiş birinci konfransın 60-cı ildönümünün qeyd olunacağı builki sammitdə 100-dən çox ölkənin nümayəndələri bir araya gələcəklər.

Serbiya Prezidenti Aleksandr Vuçiç sosial media hesabından yazıb ki, iştirakçılar bu gündən Belqrada gəlməyə başlayıblar. Qoşulmama Hərəkatına üzv ölkələrin nümayəndələri 60 il bundan öncə Belqrada toplaşmışdılar. Bu gün də müstəqillik və birgə fəaliyyətin əhəmiyyətini qeyd etməyin vaxtıdır. Sammitə 105 ölkədən və 9 beynəlxalq təşkilatdan rəsmilər toplaşacaq.

Qeyd edək ki, dünyada BMT-dən sonra ən böyük təşkilat olan Qoşulmama Hərəkatının sədri Azərbaycan Respublikasının Prezidenti İlham Əliyevdir. Ölkəmizin Qoşulmama Hərəkatına sədrliyi 2023-cü ilədək davam edəcək.

Azərbaycan 2011-ci ildən Qoşulmama Hərəkatına üzvdür. 2019-cu il oktyabrın 25-də Bakıda Qoşulmama Hərəkatı üzvlərinin dövlət və hökumət başçılarının XVIII Zirvə Görüşü keçirilib.

Azvision.az

Teqlər: XİN  







Xəbər lenti