İŞİD-lə mübarizədə ABŞ-a ehtiyac duymuruq - Taliban sözçüsü

  10 Oktyabr 2021    Oxunub :314
   İŞİD-lə mübarizədə ABŞ-a ehtiyac duymuruq -    Taliban sözçüsü
Əfqanıstanın hakimiyyətdə olan radikal “Taliban” hərəkatının hərbi qüvvələri ölkənin müxtəlif bölgələrində İŞİD terror qruplaşmasına qarşı uğurlu əməliyyatlar keçirir.
Azvision.az xəbər verir ki, bunu radikalların nümayəndəsi və Əfqanıstan hökumətində informasiya və mədəniyyət nazirinin müavini vəzifəsini müvəqqəti icra edən Zabihulla Mücahid deyib.

“Əfqanıstanın müxtəlif bölgələrində İŞİD-i məhv etmək üçün əməliyyatlar davam edir. İŞİD yaraqlılarının bir çoxu məğlub edilib, sığınacaq üçün vacib yerlər tapılıb və biz onları axtarırıq", - “Taliban” rəsmisi bildirib.

Mücahid qeyd edib ki, İŞİD Əfqanıstan üçün təhlükə yaratmır və “Taliban” bu qruplaşma ilə müstəqil mübarizə apara bilir. "İslam Əmirliyi (Taliban-red) İŞİD-lə mübarizədə ABŞ-ın köməyinə ehtiyac duymur”, - o qeyd edib.

Azvision.az

Teqlər: Taliban   İŞİD  







Xəbər lenti