"Zirkon" raketi gələn ildən Rusiya ordusunun silahlanmasına veriləcək - Putin
Putinin sözlərinə görə, sınaq zamanı raket tapşırığa tam uyğun olaraq sualtı mövqedən və suüstü gəmilərdən həm yer, həm də dəniz hədəflərini dəqiqliklə vurub: "Gələn ildən etibarən bu raketlər Rusiya Hərbi Dəniz Qüvvələrinə daxil ediləcək".
O bildirib ki, davam edən sınaqlar həm də “Peresvet” lazer sistemlərinin, “Avangard” və “Kinjal" hipersəs komplekslərinin unikal xüsusiyyətlərini inamlı şəkildə təsdiqləyib.
Rusiya liderinə görə, potensial hərbi təhlükələrə qarşı effektiv mübarizə apara biləcək yeni hipersəs silah sistemlərinin, yüksək güclü lazerlərin, robot sistemlərin yaradılması üçün zəruri texnologiyaların işlənib hazırlanması və tətbiqi xüsusilə vacibdir: "Bu, o deməkdir ki, onlar ölkəmizin təhlükəsizliyini daha da gücləndirəcəklər”.
Putin bildirib ki, qabaqcıl silahların inkişafı onilliklər ərzində Rusiyanın yüksək hərbi təhlükəsizliyini təmin edib.
AzVision.az