Türkiyə PUA-ları Qarabağda özünü uğurla sübut edib - " Le Figaro

   Türkiyə PUA-ları Qarabağda özünü uğurla sübut edib - "   Le Figaro   ”
  03 Noyabr 2021    Oxunub:610
Türkiyə 10 il ərzində ABŞ, İsrail və Çinlə birlikdə dünyanın aparıcı pilotsuz uçuş aparatları (PUA) istehsalçılarından birinə çevrilib.
AzVision.az "Anadolu" agentliyinə istinadən xəbər verir ki, bu barədə Fransanın “Le Figaro” qəzeti yazıb.

Məqalədə vurğulanıb ki, Türkiyə Prezidenti Rəcəb Tayyib Ərdoğan Liviya və Qarabağda özünü uğurla sübut edən pilotsuz təyyarələrin satışı üzrə müqavilələrin sayını artırıb.

"Son iki ildə Türkiyədə istehsal olunan pilotsuz təyyarələr Liviyada, yaxın keçmişdə isə Qarabağda qüvvələr balansını dəyişməyə imkan verib. Azərbaycan, Ukrayna, Polşa və Mərakeşdən sonra Türkiyənin PUA-larında Qırğızıstan da maraqlıdır. Türkiyədə istehsal olunan pilotsuz təyyarələr səmərəlidir və hərbi təyyarələrdən 20 dəfə ucuzdur", - qəzet yazıb

Əlavə edilib ki, ilkin olaraq bu dronlardan PKK terror təşkilatına qarşı və sərhəd təhlükəsizliyini təmin etmək üçün istifadə edilib: "NATO Polşa və Latviyanın türk PUA-larını almaq istəyindən ehtiyatlanır".

AzVision.az



Teqlər: Türkiyə-PUA  





Xəbər lenti