“Türkiyə Silahlı Qüvvələri ilə birgə təlimlər davam etdiriləcək” - Zakir Həsənov

   “Türkiyə Silahlı Qüvvələri ilə birgə təlimlər davam etdiriləcək” -    Zakir Həsənov
  09 Noyabr 2021    Oxunub :355
"Türkiyənin həm siyasi, həm də mənəvi dəstəyinə görə qardaş ölkəyə təşəkkür edirəm".

AzVision.az xəbər verir ki, bunu Azərbaycanın müdafiə naziri general-polkovnik Zakir Həsənov Türkiyə milli müdafiə naziri Hulusi Akarla Heydər Əliyev Mərkəzində keçirilən mətbuat konfransında çıxışı zamanı deyib.
Nazir Müzəffər Ali Baş Komandanın rəhbərliyi ilə Azərbaycan Ordusunun 44 günlük müharibədə yüksək peşəkarlıq nümayiş etdirdiyi diqqətə çatdırıb.

Z.Həsənov Türkiyə Silahlı Qüvvələri ilə keçirilən birgə təlimlərdən danışaraq, bundan sonra da bu istiqamətdə işlərin davam etdiriləcəyini qeyd edib.

Müdafiə naziri Zəfər Gününü bizimlə birgə qeyd etmək üçün ölkəmizə təşrif buyuran türkiyəli həmkarına və onun rəhbərlik etdiyi nümayəndə heyətinə öz təşəkkürünü bildirib.

AzVision.az

Teqlər: ZakirHəsənov  







Xəbər lenti