Peyvənd maska əleyhinə olan məşhur həkim koronavirusdan öldü

      Peyvənd    və    maska    əleyhinə olan məşhur həkim koronavirusdan öldü
  09 Noyabr 2021    Oxunub :353
Rusiyada məşhur həkim Yuri Popov koronavirusdan dünyasını dəyişib. AzVision.az xəbər verir ki, bu barədə yerli media məlumat yayıb.
Bildirilir ki, Çelyabinskdə öz klinikasını yaradan və peyvəndin əleyhinə olan həkim Yuri Popov koronavirus infeksiyasına yoluxduqdan sonra vəfat edib. Maraqlıdır ki, o oktyabrın 26-da dünyasını dəyişsə də bu barədə məlumat indi yayılıb.

- İndi bir çox insanlar bunun necə baş verdiyini, niyə özünü xilas edə bilmədiyini soruşur? Yuri Popov əsl homeopat və tədqiqatçı idi. O, bu naməlum xəstəliyə qalib gəlmək istəyirdi, lakin özünü müalicə etmək həmişə daha çətindir, - Popovun ölüm xəbərini yayan həmkarı Natalya Şekoldina sosial şəbəkələrdə yazıb.

Qeyd edək ki, Yuri Popovun 59 yaşı var idi. O, koronavirusa yoluxmuş insanları homeopatik dərmanlarla müalicə edirdi. Homeopatik Klinikanın baş həkimi koronavirus əleyhinə olan peyvəndlərə və maskaların məcburi taxılmasına qarşı çıxırdı.

Tural Tağıyev
AzVision.az

Teqlər: Həkim   Koronavirus   Peyvənd  







Xəbər lenti