“WhatsApp”da “spam” mesajlarla bağlı əhaliyə xəbərdarlıq

   “WhatsApp”da “spam” mesajlarla bağlı əhaliyə  xəbərdarlıq
  24 Noyabr 2021    Oxunub :602
“Son günlər Səhiyyə Nazirliyi adından çıxış edən kiberdələduzlar tərəfindən istifadəçilərə “WhatsApp” üzərindən “spam” mesajlar göndərilir”.
Bu barədə AzVision.az -a Səhiyyə Nazirliyinin mətbuat xidmətindən bildirilib. Məlumatda qeyd edilib ki, mesaj göndərən şəxs Səhiyyə Nazirliyi depo departamentinin insan resursları şöbəsinin baş koordinatoru Emil Hüseynov olduğunu iddia edir:

“Həmin şəxs vətəndaşların müxtəlif vakansiyalar üzrə müraciətlərinin müsbət dəyərləndirildiyini iddia edir və bunun təsdiqi üçün onlardan 58 manat ödəniş etməsini tələb edir. Bildiririk ki, Səhiyyə Nazirliyində bu adda şöbə fəaliyyət göstərmir və göndərilən mesajlar həqiqəti əks etdirmir. Vətəndaşlardan xahiş olunur ki, tanımadığı şəxslərdən gələn bu cür mesajlara inanmasınlar və heç bir halda ödəniş etməsinlər. Eyni zamanda, bildiririk ki, artıq aidiyyəti qurumlar bu mesajlarla bağlı məlumatlandırılıb”.

AzVision.az

Teqlər: WhatsApp  







Xəbər lenti