"Nəqliyyat əlaqələrinin açılması üçün yaxşı perspektivlər var" - Zaxarova

   "Nəqliyyat əlaqələrinin açılması üçün yaxşı perspektivlər var" -    Zaxarova
  25 Noyabr 2021    Oxunub:834
"Rusiya Cənubi Qafqazda nəqliyyat əlaqələrinin blokdan çıxarılması üçün yaxşı perspektivlər görür".
AzVision.az bu barədə Rusiyanın Xarici İşlər Nazirliyinin rəsmi nümayəndəsi Mariya Zaxarova həftəlik brifinqdə deyib.

Zaxarova bildirib ki, Rusiya 2020-ci il noyabrın 9-da və 2021-ci il yanvarın 11-də ən yüksək səviyyədə əldə edilmiş razılaşmaların ardıcıl şəkildə həyata keçirilməsinin tərəfdarıdır:

"Bunlar, həmçinin Cənubi Qafqazda iqtisadi və nəqliyyat əlaqələrinin açılmasını da əhatə edir. Bu məsələ ilə üç ölkənin baş nazir müavinlərinin sədrlik etdiyi üçtərəfli işçi qrupu məşğul olur. Biz bütün tərəflərin maraqlar balansını nəzərə alaraq, regionda nəqliyyat əlaqələrinin blokdan çıxarılması üçün yaxşı perspektivlər görürük. Həmçinin, blokdan çıxarılan marşrutlar üzrə beynəlxalq daşımaların beynəlxalq razılaşmalar və hər bir tərəfin milli qanunvericiliyi əsasında həyata keçirilməsi prinsipindən çıxış edirik".

Pərvanə Sultanova
AzVision.az



Teqlər: Rusiya-XİN  





Xəbər lenti