Koronavirusa yoluxmuş ana körpəyə süd verə bilməz
“Qanı durulaşdıran dərmanlar qəbul etdiyinə görə belə qadınlarda doğuş həkim üçün çətindir. Xəstə ağır vəziyyətdə olarsa, normal doğuş mümkün olmur. Hamiləliyin 3-cü ayından sonra qadınların vaksinasiyadan keçmələri tövsiyə olunur. Bu, hamilə qadını COVID-19-dan qoruyur. Yaxşısı budur, qadınlar hamiləliyi planlaşdırsın. Plansız şəkildə hamilə qalmaq doğru deyil. Çünki həmin qadınlar koronavirusa yoluxduqda hamiləliyi necə keçirəcəklərini bilmirik. Hamilə qadınlarda yoxlamalar zamanı KT-dənsə rentgen müayinəsinə üstünlük verilir”.
Həkim qeyd edib ki, körpələrin ana bətnində koronavirusa yoluxmalarını yoxlamaq mümkün olmur: “Doğuşdan sonra uşaqlar testdən keçirilir. Bəzən doğuşdan 10 gün sonra qadın və uşaq da koronavirusa yoluxa bilir”.
T.Həsənova bildirib ki, koronavirusa yoluxmuş qadın körpəyə süd verə bilməz:
“Çünki anayla uşaq arasında yaxın təmas olur. Ana koronavirusa yoluxmadığı halda süd verərkən maska taxması lazımdır. Yoluxduqdan sonra isə maskayla belə süd verməsi məsləhət deyil”.
Aytən Zəhra
AzVision.az
Teqlər: Koronavirus Hamiləlik