Əziz Səncər Azərbaycana gəlir

   Əziz Səncər Azərbaycana gəlir
  29 Noyabr 2021    Oxunub:512
Türk əsilli ABŞ alimi, Kimya üzrə Nobel mükafatı laureatı, professor Əziz Səncər Azərbaycana gəlir.
AzVision.az xəbər verir ki, dünya şöhrətli alim Bakıda keçiriləcək UNEC İqtisadi Forumunda iştirak edəcək.
Türkün gen təmiri ustası: Prezidentin təltif etdiyi Əziz Sancarın böyüklüyü nədədir

Forumun ilk günü, dekabrın 1-də Ə.Səncərin alimlərlə görüşü planlaşdırılır. O, dekabrın 2-də “Post-pandemiya dövründə elm və təhsil” adlı II paneldə çıxış edəcək.

Eyni zamanda Bakıda Ə.Səncərin 75 illik yubileyinə həsr olunan ziyafət təşkil olunacaq.

Qeyd edək ki, UNEC İqtisadi Forumu dekabrın 1-də Gülüstan sarayında başlayacaq. Beş panel üzrə 30-dək, o cümlədən 20-yə qədər nüfuzlu xarici spikerlərin çıxış edəcəyi forumun ana devizi “Zəfər Yolu”dur.

Eyni zamanda, forum çərçivəsində Nobel mükafatı laureatları, dünyanın tanınmış iqtisadçıları ilə xüsusi müzakirələr, gənc alimlərin və beynəlxalq elm olimpiadalarının qalibi olan şagirdlərin görüşləri, yeni kitabların təqdimatları, sərgilər və başqa maraqlı tədbirlərin keçirilməsi nəzərdə tutulub.

Tədbir dekabrın 3-də başa çatacaq.

AzVision.az

Teqlər:   ƏzizSəncər  







Xəbər lenti