"Düşmənin törətdiyi vandalizm aktlarının dünyada bənzəri yoxdur" - Emin Hüseynov

   "Düşmənin törətdiyi vandalizm aktlarının dünyada bənzəri yoxdur" -  Emin Hüseynov
  24 Dekabr 2021    Oxunub:437
Ali Baş Komandan İlham Əliyevin rəhbərliyi altında 44 günlük Vətən müharibəsi nəticəsində əldə olunan bu şanlı qələbə regionda liderliyini möhkəmləndirən Azərbaycan üçün yeni reallıqlar yaratmış oldu.
AzVision.az -n məlumatına görə, bunu bu gün Yeni Azərbaycan Partiyasının (YAP) təşkil etdiyi “Qarabağ: Cənubi Qafqazdan dünyaya açılan yeni mənzərə” mövzusunda elmi-praktik konfransda “İşğaldan azad edilmiş ərazilərin bərpası və Böyük Qayıdış Proqramı” mövzusunda çıxış edən Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov bildirib.

Prezidentinin xüsusi nümayəndəsi Emin Hüseynov deyib ki, bu günə qədər dünyada bir çox ölkələrdə postmünaqişə əraziləri bərpa edilib və insanlar öz yurd yuvalarına qayıdıb:

"Amma hər bir münaqişə, dağıntının səviyyəsi bir-birindən fərqlənir. Azərbaycandakı vəziyyət, düşmənin törətdiyi vandalizm aktlarının dünyada bənzəri yoxdur. Digər münaqişələrdə də dağıntılar olur, amma bütöv şəhərlərin yer üzündən silinməsi kimi dağıntı heç yerdə görünməyib. Mənfur düşmən Qarabağda bizim tarixi mədəni abidələrimizə, iqtisadiyyatımıza, ekologiyamıza qarşı elə vandalizm aktları həyata keçirib ki, bunun fəsadlarını aradan qaldırmaq üçün uzun illər tələb olunacaq”.

İlkin Nəcəfzadə
AzVision.az

Teqlər: Qarabağ  







Xəbər lenti