ABŞ 5 erməni hərbçinin təhvil verməsini alqışlayıb

   ABŞ 5 erməni hərbçinin təhvil verməsini alqışlayıb
  30 Dekabr 2021    Oxunub:317
ABŞ-ın ölkəmizdəki səfirliyi Azərbaycanın 5 erməni hərbçini qarşı tərəfə təhvil verməsini alqışlayıb.
AzVision.az xəbər verir ki, bu barədə səfirliyin tviter səhifəsində paylaşım edilib.

"Biz Azərbaycanın 2021-ci il noyabr ayının 16-da saxlanılan beş erməni hərbçini dekabrın 29-da geri qayıtması addımını alqışlayırıq", - məlumatda qeyd olunub.

Xatırladaq ki, Azərbaycan humanizm prinsiplərini rəhbər tutaraq dekabrın 29-da Macarıstanın vasitəçiliyi ilə 5 erməniəsilli şəxsi Ermənistana təhvil verib.

Həmin şəxslər 2021-ci ilin 16 noyabr tarixində Ermənistan silahlı qüvvələri tərəfindən dövlət sərhədinin Kəlbəcər istiqamətində törədilən təxribatın qarşısı alınarkən saxlanılan erməniəsilli hərbi qulluqçulardır.

Qeyd olunan 5 nəfər Ermənistan vətəndaşı, müddətdən artıq həqiqi hərbi xidmət qulluqçuları - 01.11.1995-ci il təvəllüdlü Abramyan Sarkis Arturi, 18.06.1991-ci il təvəllüdlü Xaçatryan Arman Vaçaqani, 08.01.1988-ci il təvəllüdlü Aqacanyan Vaqe Sasuni, 16.04.1992-ci il təvəllüdlü Xaçataryan Suren Levai və 04.10.1997-ci il təvəllüdlü Avetyan Aram Artemidir.

Pərvanə Sultanova
AzVision.az

Teqlər: ABŞ  







Xəbər lenti