SEPAH komandirinə qarşı sui-qəsd: Generalın oğlu öldü

SEPAH komandirinə qarşı sui-qəsd: Generalın oğlu öldü
  23 Aprel 2022    Oxunub:487
İranın Sistan və Bəlucistan əyalətində naməlum şəxslər İran İslam İnqilabı Keşikçilər Korpusunun (SEPAH) Zahidan şəhər Salman Farsi briqadasının komandirinin karvanına avtomat silahlarla hücum edib.
AzVision.az İLNA-ya istinadən xəbər verir ki, hadisə əyalətin mərkəzi Zahidan şəhərində nəzarət-buraxılış məntəqəsində olub. Atəş nəticəsində mühafizəçi ölüb. Məlumata görə, mühafizəçi Mahmud Absalan İran İnqilab Keşikçiləri Qvardiyasının Salman Farsi adına 110-cu briqadasının komandiri general Pərviz Absalanın oğludur.

Əməliyyatı həyata keçirməkdə şübhəli bilinən 4 nəfər Zahidan şəhərinin girişindəki nəzarət-buraxılış məntəqəsində ələ keçib. Qeyd edək ki, Sistan-Bəlucistan İran üçün gərginlik mənbələrdəndir. Bu əyalət Əfqanıstan və Pakistanla həmsərhəddir. Hər üç ölkənin sərhədində əsasən, bəluclar yaşayır.

AzVision.az

Teqlər: SEPAH  







Xəbər lenti


Azvision.az ©2014 | Bütün hüquqları qorunur