İmtahanda bir nəfərdə “ağıllı” saat aşkarlanıb

   İmtahanda bir nəfərdə “ağıllı” saat aşkarlanıb
  30 Aprel 2022    Oxunub:223
Bu gün keçirilən orta təhsil səviyyəsi üzrə buraxılış imtahanı zamanı 1 nəfərdə “ağıllı” saat aşkarlanıb.
Dövlər İmtahan Mərkəzindən AzVision.az -a verilən məlumata görə, araşdırma aparılması üçün imtahan qərargahına təhvil verilib: "İmtahanda iştirak etmək üçün tələb olunan sənədləri qaydasında olmayan - şəxsiyyət vəsiqəsini evdə unudan, şəxsiyyəti təsdiq edən sənədin surəti ilə imtahana gələn və ya vəsiqəsində şəkli olmadığı üçün məktəbdən verilən şəkilli arayışı özü ilə gətirməyən şagirdlər də olub. Sabah keçiriləcək imtahan iştirakçılarına bir daha sənədləri ilə diqqətli olmağı və onları qaydasına salmağı tövsiyə edirik".

Qeyd edək ki, Bakı şəhərinin Nəsimi, Nərimanov rayonlarında, Naxçıvan Muxtar Respublikasında, Bərdə, Cəlilabad (II hissə), Daşkəsən, Gədəbəy, Göyçay, Göygöl, Qazax, Lerik, Sabirabad, Xaçmaz (II hissə) rayonlarında, Şəki şəhərində ümumi (9 illik) orta təhsil səviyyəsi üzrə buraxılış imtahanı keçirilib. İmtahan keçirilən şəhər və rayonlarda ümumilikdə 107 imtahan binası, 1919 imtahan zalı ayrılıb. İmtahanların idarə olunmasına 107 ümumi imtahan rəhbəri, 317 imtahan rəhbəri, 2345 nəzarətçi-müəllim, 231 buraxılışı rejimi əməkdaşı (mühafizə), 107 bina nümayəndəsi ayrılıb.

AzVision.az

Teqlər:







Xəbər lenti