Yaponiyanın dövlət borcu 9,5 trilyon dolları ötüb

   Yaponiyanın dövlət borcu 9,5 trilyon dolları ötüb
  11 May 2022    Oxunub:184
Yaponiyanın ümumi dövlət borcu 2021-ci maliyyə ilinin sonunda (31 mart 2022-ci il) ölkə tarixində ən böyük məbləğə - 1 241,3 trilyon yenə (cari məzənnə ilə 9,5 trilyon dollardan çox) çatıb.
AzVision.az xəbər verir ki, bu barədə “Yomiuri” qəzeti Maliyyə Nazirliyinə istinadən məlumat yayıb. Yaponiyanın dövlət borcu dövlət istiqrazlarının, qısamüddətli dövlət qiymətli kağızlarının və müvəqqəti borcların ümumi məbləğindən ibarətdir. Onlar xüsusilə son illərdə pandemiya ilə əlaqədar əlavə tibbi və sosial xərclər səbəbindən artıb.

Nəticədə, hazırda Yaponiyanın hər bir sakininin təxminən 9,9 milyon yen (təxminən 76 min dollar) dövlət borcu var. Bu, artıq ölkənin ümumi daxili məhsulunun həcmindən 2,6 dəfə çoxdur. Yaponiya hökuməti 2026-cı maliyyə ilində dövlət büdcəsinin kəsirini vergi daxilolmalarını artırmaqla illik 2%-lik iqtisadi artım tempini saxlamaq əsasında aradan qaldıracağını vəd edib.

İlkin Nəcəfzadə
AzVision.az

Teqlər: Yaponiya   Borc  







Xəbər lenti