Boris Consonu kim əvəz edəcək?
Mühafizəkarlar Partiyası daxilində keçirilən səsvermədə 30 səs barajını keçə bilməyən Galler və İngiltərə Baş prokuroru Suella Bravermanın seçkilərdən geri çəkilməsindən sonra namizəd sayı 5-ə düşüb.
Dünən və bu gün keçirilən seçkilərdə Sunak birinci olduğu üçün partiya rəhbərliyinə və baş nazirliyə ən yaxın namizəd olaraq görülür. Dünən keçirilən səsvermədə Sunak 88 səs toplayıb.
Nəticələr açıqlandıqdan sonra açıqlama verən Sunak həmkarları və ictimaiyyətin dəstəyinə görə minnətdarlıq edib: "Biz birlikdə etibarı bərpa edə, iqtisadiyyatımızı yenidən qura və ölkəni yenidən birləşdirə bilərik" deyə əlavə edib.
Qeyd edək ki, Britaniya hökumətindən 59 nazir və deputatın istefa verdiyi siyasi böhranda Sunak ilk qərarını ötən həftə verib. İyulun 5-də keçmiş səhiyyə naziri Sacid Cavidlə eyni vaxtda istefa verdiyini açıqlayan Sunak Consona etimadını itirdiyini deyib.
AzVision.az
Teqlər: