İngiltərə millisi İranı darmadağın edib - Yenilənib

İngiltərə millisi İranı darmadağın edib -  Yenilənib
  21 Noyabr 2022    Oxunub:777
Qətərdə keçirilən futbol üzrə dünya çempionatının B qrupunda ilk tura start verilib.
İngiltərə millisi qrupun açılış matçında İran yığması ilə qarşılaşıb. "Xəlifə" stadionunda keçirilən görüşdə Avropa təmsilçisi rəqibini darmadağın edib - 6:2

Hesabı 35-ci dəqiqədə Cud Bellingem açıb. 43-cü dəqiqədə Bukayo Saka ikinci topu asiyalıların qapısından keçirib. İlk hissənin əsas vaxtına əlavə olunmuş 1-ci dəqiqədə Rahim Sterlinq rəqibi 3-cü dəfə meydanın mərkəzinə dəvət edib. 62-ci dəqiqədə Saka özünün 2-ci, komandasının 4-cü qolunu vurub. 65-ci dəqiqədə İran millisindən Mehdi Taremi buraxılan toplardan birinin əvəzini çıxıb. 71-ci dəqiqədə Markus Reşford rəqibi 5-ci dəfə məyus edib. 90-cı dəqiqədə Cek Qriliş hesab arasındakı fərqi artırıb - 6:1. Son nöqtəni isə 90+13-cü dəqiqədə penaltini dəqiq yerinə yetirən Taremi qoyub. İngiltərə yığması bu qələbədən sonra ilk pilləyə yüksəlib. İran isə hələlik sonuncudur.

Qeyd edək ki, B qrupunun digər matçında ABŞ seçməsi Uelsi sınağa çəkəcək. Həmin oyun Bakı vaxtı ilə saat 23:00-da başlayacaq.


***

Qətərdəki dünya çempionatında İngiltərə və İran yığmaları arasında keçirilən B qrupunun ilk tur oyununda 6-cı qol vurulub.

Avropa təmsilçisindən Markus Reşford 71-ci dəqiqədə rəqibi növbəti dəfə meydanın mərkəzinə dəvət edib - 5:1.

***

Qətərdə təşkil olunan DÇ-2022 davam edir.

AzVision.azxəbər verir ki, bu gün üçün nəzərdə tutulan 3 matçdan artıq 1-i başlayıb. B qrupu nda İngiltərə İranla qarşılaşır. Dohadakı "Xəlifə" stadionunda oynanılan görüş Bakı vaxtı ilə saat 17:00-da başlayıb.

A qrupunun ikinci matçında Niderland yığması Seneqalla üz-üzə gələcək. "Al-Tumama" arenasındakı oyun Bakı vaxtı ilə saat 20:00-da start götürəcək. Bu qrupun və mundialın ilk görüşündə ev sahibi Qətər Ekvador yığmasına 0:2 hesabı ilə uduzub.

Günün son matçında ABŞ yığması Uelslə üz-üzə gələcək. "Əhməd ibn Əli" stadionunda keçiriləcək görüşün Bakı vaxtı ilə 23:00-da başlayacaq.

21 noyabr


DÇ-2022

B qrupu

17:00. İngiltərə - İran - 3:0 (Birinci hissə)

Qol: Cud Bellinqem, 35, Bukayo Saka, 44, Rahim Sterlinq, 45+1

Baş hakim: Rafael Klaus (Braziliya)

"Xəlifə" stadionu

AzVision.az

Teqlər:







Xəbər lenti