Azadlıq prospektində təmir işləri aparılır - Fotolar+ Video

Azadlıq prospektində təmir işləri aparılır -    Fotolar+ Video
  02 İyul 2024    Oxunub:925
Paytaxtın Azadlıq prospektində əsaslı təmir işləri davam etdirilir.
Azərbaycan Avtomobil Yolları Dövlət Agentliyindən AzVision.az - a verilən məlumata görə, təmir işləri prospektin Mixail Kaveroçkin küçəsindən Cəfər Xəndan küçəsinədək olan hissəsində aparılır.

Prospektdə köhnə asfalt-beton örtüyünün frezlənməsi, yolun profilə salınması işləri icra olunub. Hazırda yeni asfalt-beton örtüyünün döşənməsi işləri aparılır. “İnşaat Norma və Qaydaları”na uyğun, tərtib olunmuş qrafiklə sürətlə və keyfiyyətlə icra edilən təmir işlərinin son mərhələsində sözügedən ərazi üfüqi nişanlanma xətləri ilə təmin olunacaq.

Təmir işlərinin qısa müddət ərzində yekunlaşdırılması nəzərdə tutulur. Bunun üçün əraziyə lazımi sayda qüvvə cəlb edilib.

“Təmir müddətində sürücülərdən sözügedən ərazidə müvəqqəti yol nişanlarının tələblərinə və yol hərəkəti qaydalarına riayət etmələri xahiş olunur”, - deyə Agentlikdən bildirilib.







AzVision.az


Teqlər:





Xəbər lenti