00:48 16.02.2013 2300
Azərbaycan prezidenti yanında Dövlət Qulluğu Məsələləri üzrə Komissiya tərəfindən bu gündən etibarən dövlət orqanlarında vakant dövlət qulluğu vəzifələrinin tutulması ilə bağlı ümumi müsabiqə elan edilib.
DQMK-dan verilən xəbərə görə, 6 mart saat 18:00-dək davam edəcək ümumi müsahibədə iştirak etmək istəyən vətəndaşlar 20 gün müddətində namizədliklərinin qeydə alınması üçün müvafiq sənədlərlə şəxsən (bazar ertəsi-cümə günləri saat 09:00-dan 12:30-dək və 14:00-dan 17:30-dək) və ya poçt vasitəsilə komissiyaya müraciət etməlidirlər.
Müsabiqədə iştirak edəcək dövlət orqanlarının sayı 12, vakant vəzifələrin sayı 85, vakant yerlərin sayı isə 89-dur. Belə ki, müsabiqəyə Əmək və Əhalinin Sosial Müdafiəsi Nazirliyində 17 vəzifə üzrə 17 yer, Mədəniyyət və Turizm Nazirliyində 2 vəzifə üzrə 2 yer, Təhsil Nazirliyində 7 vəzifə üzrə 7 yer, Maliyyə Nazirliyində 1 vəzifə üzrə 1 yer, Kənd Təsərrüfatı Nazirliyində 1 vəzifə üzrə 1 yer, Qaçqınların və Məcburi Köçkünlərin İşləri üzrə Dövlət Komitəsində 3 vəzifə üzrə 3 yer, Dövlət Torpaq və Xəritəçəkmə Komitəsində 3 vəzifə üzrə 3 yer, Əmlak Məsələləri Dövlət Komitəsində 12 vəzifə üzrə 12 yer, Dövlət Şəhərsalma və Arxitektura Komitəsində 1 vəzifə üzrə 1 yer, Dövlət Sosial Müdafiə Fondunda 36 vəzifə üzrə 40 yer, Bakı Ağır Cinayətlər Məhkəməsində 1 vəzifə üzrə 1 yer, Bakı şəhər Nəsimi Rayon Məhkəməsində isə 1 vəzifə üzrə 1 yer ayrılıb.
12:17 09/04/2024
17:15 05/02/2024
09:22 16/01/2024
16:17 10/01/2024
08:26 19/12/2023
15:45 16/12/2023
15:50 05/12/2023
11:22 25/09/2023
17:09 04/09/2023
14:27 14/07/2023
17:35 05/05/2023
16:39 04/05/2023
14:21 28/04/2023
13:41 20/03/2023