Şuşada nişanlanan Şəfiqə: "Istanbuda tanış olmuşuq"

      Şuşada nişanlanan Şəfiqə:  "Istanbuda tanış olmuşuq"
  18 Avqust 2022    Oxunub:5532
Xəbər verdiyimiz kimi Diaspor Gənclərinin Şuşada keçirilən III Yay Düşərgəsində maraqlı anlar yaşananıb. Azərbaycanın mədəniyyət paytaxtı Şuşada 30 ildən sonra nişan olub. Diaspor gənləri evlilik üçün ilk addımlarını atıblar. Belə ki, Litvada yaşayan azərbaycanlı gənc Samir Kaşıyev Finlandiyada fəaliyyət göstərən Şəfiqə Qasımzadəyə evlilik təklifi edib. Gənc xanım isə bu təklifə “hə” deyib.
Şəfiqə Qasımzadə AzVision.az -a danışıb və təəssüratlarını bölüşüb.

“Samir 10 ildir ki, Litvada yaşayır. Təhsilini bitirib və orada çalışır. Mən isə Finlandiyada magistratura təhsili alıram. Həm də orada müəllimə kimi çalışıram. Bizim tanışlığımız İstanbulda olub. 2021-ci ilin noyabr ayında Azərbaycanla bağlı layihədə iştirak edirdik. Orada tanış olduq, dostlaşdıq. Bu dostluq sonra da davam etdi, xoş münasibətimiz yarandı. Münasibətlər irəlilədi və məsələlər evliliyə doğru getdi.

Şuşa ilə bağlı onu deyə bilərəm ki, Şuşa layihəsinə müraciət etdik. Sonra elə oldu ki, şans gətirdi və hər ikimiz ayrı ölkələrdən bu layihəyə seçildik. Şuşaya gedəcəyimiz gündən bir gün qabaq üzükləri taxdıq və nişan mərasimi baş tutdu. Biz fikirləşdik ki, valideyinlərimizin xeyir duasını alaq və sonra nişanımızı Şuşada qeyd edək. Çünki valideyinsiz bu işi görə bilməzdik. Şuşada isə nişanımızı qeyd etdik.

Tarixi anları yaşadıq. İstanbulda tanışlıq, Bakıda evlilik təklifi, Şuşada bu təklifi nişanla qeyd etmək. Şuşada olmaq qürurverici bir hiss idi”.







Şahanə Rəhimli
AzVision.az

Teqlər: Şuşa   Sevgi  







Xəbər lenti