Bu gün məsələyə reaksiya verən Ermənistan İstintaq Komitəsi mətbuatda gedən məqalələrin əsassız olduğunu iddia edib. Qurumun jurnalistlərə cavabında qeyd edilir ki, guya hərbçilərlə yalnız profilaktik söhbətlər aparılıb.

"Daşnaksütyun" da fəallaşdı - Radikal gənclər sərhədimizə toplanır - FOTO

“Hraparak” qəzetinin Kıranç kəndində aksiya iştirakçılarına qoşulduğu iddia edilən bir neçə hərbçiyə qarşı zorakılıq və hədə-qorxu gəlinməsi, onların şiddətli şəkildə döyülməsi iddiası reallığa uyğun gəlmir. Bu xəbərin heç bir əsas yoxdur”, - İstintaq Komitəsinin bəyanatında deyilir.

Bəzi müxalifətin nəzarətində olan saytlar isə komitənin yalan məlumat yaydığını yazıb.

Qeyd edək ki, son günlər Ermənistanda vəziyyət xeyli gərginləşib. Gərginlik aprelin 19-da keçirilən Azərbaycan ilə Ermənistan arasında dövlət sərhədinin delimitasiyası üzrə Dövlət Komissiyası və Ermənistan ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın səkkizinci görüşündə Qazaxın 4 kəndinin (Aşağı Əskipara, Xeyrımlı, Bağanıs Ayrım, Qızılhacılı) Azərbaycana qaytarılması barədə razılıq əldə ediləndən sonra artıb. Ölkədə aksiyalar keçirilir, revanşistlər sərhədlərin dəqiqləşdirilməsinə, tarixi kəndlərimizin geri qaytarılmasına qarşı çıxırlar.

AzVision.az