Rusiya və İranı “sevməyən” yeni dövlət katibi - Pompeo kimdir?
Daha sonra orduda xidmət edib və Fars Körfəzi müharibəsində iştirak edib. Onun hərbidə fəaliyyəti bununla bitib və bizneslə məşğul olmağa başlayıb. O, özəl mühafizə xidməti yaratsa da, bir müddətdən sonra aktivlərini satıb.
Maykl Pompeo eyni zamanda neft axtarışları üzrə şirkət yaradaraq ona rəhbərlik etməyə başlayıb. Bu sahədə işlədiyi müddətdə büdcəsini xeyli artırıb. 1994-ci ildə Harvard universitetində hüquq doktoru dərəcəsi alıb, hüquq firmasında işləməyə başlayıb. 55 yaşlı M.Pompeo 2011-ci ildən Kanzas ştatını ABŞ Nümayəndələr Palatasında təmsil edib. O, Rusiya ilə münasibətdə sərt ritorika nümayiş etdirib.
Pompeonun fikrincə, rəsmi Moskva özünü aqressiv aparır və demək olar ki, İŞİD terrorçu qruplaşması ilə mübarizədə ciddi səy göstərmir. O, hesab edir ki, ABŞ Rusiya tərəfindən törədilən kiberhücumlara güclü cavab verməlidir.
Dövlət departamentinin yeni rəhbərinin sözlərinə görə, İranla dünya gücləri arasında əldə edilən nüvə razılaşması ABŞ-ın səhvidir. Ümumilikdə isə o, İran və Rusiya əleyhinə sərt mövqeyi ilə diqqət çəkir.
Qeyd edək ki, Pompeo 24 yanvar 2017-ci ildə ABŞ Mərkəzi Kəşfiyyat İdarəsinə rəhbər təyin edilmişdi.
Eldar Tanrıverdiyev
AzVision.az