İki düşmən ölkə rəsmən barışdı
Xatırladaq ki, 9 iyulda Asmara şəhərində keçirilən ikitərəfli tarixi görüşdə Efiopiya və Eritreya liderləri “Sülh və Dostluğa dair Birgə Bəyannamə” imzalayaraq, iki ölkə arasında hökm sürən müharibə vəziyyətinə son qoyduqlarını, sülh və dostluğa söykənən yeni dövrün başlandığını bəyan ediblər.
Bildiriblər ki, illərdir davam edən müharibə vəziyyətindən sonra Efiopiya və Eritreya arasında diplomatik, ticarət, nəqliyyat və kommunikasiya əlaqələri bərpa olunacaq və sərhədlər yenidən açılacaq.
Qeyd edək ki, 1993-cü ildə Efiopiyadan ayrılaraq Eritreyanın müstəqillik əldə etməsindən sonra iki ölkə arasında sərhəd məsələləri üzündən ziddiyyətlər yaranmışdı. Nəticədə 1998-2000-ci illərin müharibəsində on minlərlə insan həyatını itirmişdi. 2000-ci ildə Əlcəzirədə iki ölkə arasında sülh müqaviləsi imzalansa da, Efiopiyanın bəzi mübahisəli ərazilərdən çəkilməyi rədd etməsi nəticəsində münaqişə indiyədək davam edib.
Leyla Elbrusqızı
AzVision.az
Teqlər: Afrika Efiopiya Eritreya