“Lavrova qulaq asmayanlar, Şoyqunu eşitməyə məcbur olacaqlar”

“Lavrova qulaq asmayanlar, Şoyqunu eşitməyə məcbur olacaqlar”
  23 Noyabr 2018    Oxunub:4431
"Rusiya ümid edir ki, ABŞ “Orta və yaxın mənzilli raketlərin ləğvi haqqında” müqaviləyə münasibətdə düşünülməmiş addımlar atmayacaq.

Azvision.az xəbər verir ki, bu barədə Rusiya XİN-in yayılmama və silahlara nəzarət məsələləri üzrə departamentinin rəhbəri Vladimir Yermakov deyib.
Lakin bununla belə bildirib ki, Rusiya istənilən ssenariyə, o cümlədən, hərbi qarşıdurmaya hazırdır və ABŞ bütün riskləri nəzərə almalıdır.

“İnanırıq ki, ABŞ müqavilədən çıxmaq kimi düşünülməmiş addımlar atmayacaq və yekunda onlar dünyadakı real vəziyyətin qiymətləndirilməsinə ayıq yanaşacaqlar. Amma əlbəttə ki, hadisələrin istənilən gedişi üçün bizdə həll variantı hazırdır. Hər şeyi (müqavilənin pozulmasının mümkün riskləri) ətraflı şəkildə izah edən Sergey Lavrova (Rusiyanın xarici işlər naziri) qulaq asmaq istəməyənlər Sergey Şoyqunun (Rusiyanın müdafiə naziri) izahatını eşitməyə artıq məcbur olacaqlar”, – deyə Yermakov Vaşinqtona xəbərdarlıq edib.



Leyla Elbrusqızı
Azvision.az



Teqlər: Rusiya   ABŞ  



Xəbər lenti


Azvision.az ©2014 | Bütün hüquqları qorunur