Azvision.az xəbər verir ki, bu barədə Tailandın Sülh və Nizam Milli Şurasının (qanunverici səlahiyyətlərinə malik hərbi hökumət) rəhbəri, general Prayut Çan-Oç əmr imzalayıb. Əmr “Royal Government Gazette” rəsmi hökumət qəzetində dərc olunaraq bu gündən qüvvəyə minib.
Sənəddə qeyd olunur ki, 2019-cu ilin 24 fevralına təyin olunan parlament seçkilərində təşviqat kampaniyasının həyata keçirilməsinin təmini ilə əlaqədar 4 il əvvəl siyasi təbliğata və fəaliyyətə, həmçinin, siyasi mitinq və yığıncaqlara, seçkiqabağı təşviqat materiallarının çapına və yayılmasına, KİV-lərdə çıxışlara və digər siyasi fəaliyyət növlərinə qoyulan qadağalar aradan götürülür.
Xatırladaq ki, Tailandda ən son parlament seçkiləri 2011-ci ildə keçirilib. 2014-cü ildə ölkədə hərbi çevriliş olub və general Prayut Çan-Oç hərbi hökumətə rəhbərlik edib. Həmin vaxt Tailandda konstitusiyanın qüvvəsi müvəqqəti dayandırılıb və ölkədə demək olar ki, hərbi rejimə keçilib.
Leyla Elbrusqızı
Azvision.az
Tailandda 4 illik siyasi qadağalar ləğv olundu
11 Dekabr 2018
Oxunub:3469
2014-cü ilin mayından etibarən Tailandda əhalinin və siyasi partiyaların istənilən növ siyasi fəaliyyətlərini qadağan edən qərar ləğv olunub.
Teqlər: Tailand
Vaxtında, Aydın, Lazımlı!
-3567846228.jpg&h=120&w=187&zc=1&q=70')
