44 gün ərzində Azərbaycan torpaqlarını tərk edən erməni terrorçuları ərazilərdə xeyli sayda mina və digər hərbi sursatlar basdırıblar. Vətən müharibəsində ağır məğlubiyyətə uyrayan düşmənin məqsədi çoxlu sayda mülki şəxslərin həlak olması, keçmiş məcburi köçkünlərin öz doğma yurdlarına qayıdışını çətinləşdirmək və prosesi uzatmaqdır.

Mənfur ermənilər minalaşmış sahələrin xəritələri Azərbaycana təhvil verməkdən imtina edərək hələ də cinayət əməllərindən əl çəkmədiklərini göstərirlər.

Hazırda azad edilmiş bütün ərazilərdə minatəmizləmə əməliyyatları uğurla davam etdirilir. Ağdama səfərimiz zamanı düşmənin burada basdırdığı, minatəmizləmə əməliyyatları zamanı aşkar olunan minalar və xeyli sayda partlamamış hərbi sursatlara rast gəldik.

Məlum olur ki, Ermənistan hərbçiləri Qarabağda hər yeri, hətta hərbi təyinatı olmayan əraziləri də minalayıblar. Bu səbəbdən azad edilmiş ərazilərimizdə hər an mina partlayışlarının olması təhlükəsi qalır.

Təlimata əsasən, Ağdamda müəyyən edilmiş ərazilərlə hərəkət edə bildik. Həmin ərazilərdən kənara çıxmaq təhlükəli olduğundan yalnız təyin olunmuş marşrut üzrə hərəkət etmək lazım gəlir. Əks halda ölüm və ağır xəsarətlərlə nəticələnən faciələr baş verə bilər.

Təəssüflər olsun ki, bu günədək dövlət qurumlarının xəbərdarlığına baxmayaraq, azad olunmuş ərazilərə qanunsuz daxil olan bir neçə mülki vətəndaşımız mina partlayışı nəticəsində həyatını itirib.















Anar Kəlbiyev
Foto: Şahin Sərdarov
Azvision.az