Haiti Prezidentinin xanımı qatillərdən danışdı
"Muzdlular Prezidenti öldürdülər, digər muzdlular onun arzusunu və ölkəyə olan baxışını məhv etmək istəyirlər" - xanım Moiz "Twitter"də yerləşdirilən səs yazısında bildirib.
Onun sözlərinə görə, həyat yoldaşı Haitidə bir sıra layihələr həyata keçirməyə, xüsusən də referendum və seçkilər təşkil etməyə çalışdığına görə öldürülüb.
Qeyd edək ki, Haiti Prezidenti 7 iyulda evinə silahlı hücum zamanı qətlə yetirilib. Ağır yaralanmış xanımı isə Mayamiyə aparılıb. Haiti hakimiyyəti Prezidentin qətlində şübhəli bilinən şəxslərin həbs olunduğunu elan edib. Məlumata görə, Moizi öldürən muzdlu dəstənin üzvləri 26 nəfərdən ibarətdir.
Pərvanə Sultanova
Azvision.az