"Əsrin fəlakətin"dən 22 il keçir: 17 min can alan İzmit zəlzələsi- FOTOLAR

"Əsrin fəlakətin"dən 22 il keçir: 17 min can alan İzmit zəlzələsi- FOTOLAR
  17 Avqust 2021    Oxunub:3547
Bu gün Türkiyə tarixində ən dəhşətli təbii fəlakətlərdən biri olan İzmit zəlzələsindən 22 il keçir. XX əsrin sonunda, 1999-cu ilin avqustun 17-də İzmit şəhərində baş verən zəlzələ ölkədə böyük faciələrə səbəb oldu.
Yerli vaxtla 03:02-də İzmiti silkələyən zəlzələnin gücü 7,6 bal hesablandı. Rəsmi məlumatlara görə, həmin vaxt 17 480 adam öldü, 23 781 nəfər isə yaralandı. 505 nəfərin şikəst qaldığı bildirilir. Bəzi mənbələrə görə, təbii fəlakət nəticəsində ölənlərin sayı göstərilən rəqəmdən iki dəfə çox olub. İzmit facisəsi zamanı 500 min nəfər evsiz qaldı. Bundan əlavə, zəlzələ 120 min binanı tamamilə dağıtdı və onları yenidən bərpa etmək məqsədəuyğun hesab edilmədi. Həmin dövrün məlumatlarına görə 50 min bina ciddi şəkildə zədələndiyi halda, 2000 tikili çökmüş vəziyyətdə olub. Zəlzələ nəticəsində Türkiyəyə 25 milyard dollardan çox zərər dəydi
.
Qeyd edək ki, tarixə İzmit zəlzələsi, "Əsrin fəlakəti" kimi düşən bu facidədən sonra Türkiyə 52 ölkədən dəstək aldı ki, onların arasında Azərbaycan da olmuşdu.

Azvision.azİzmit faciəsindən olan təsirli fotoları təqdim edir:























Tural Tağıyev
Azvision.az




Teqlər: Türkiyə   Zəlzələ   İzmit  



Xəbər lenti


Azvision.az ©2014 | Bütün hüquqları qorunur