Siqaret öldürür: 8 milyon insanı, 600 milyon ağacı

Siqaret öldürür: 8 milyon insanı, 600 milyon ağacı
  31 May 2022    Oxunub:2785
Ümumdünya Səhiyyə Təşkilatı (ÜST) ölkələri insan sağlamlığına və ətraf mühitə dəyən ziyana görə tütün sənayesindən kompensasiya almağa çağırıb.
Ümumdünya Səhiyyə Təşkilatının Cenevrədə dərc olunan hesabatında qeyd edildiyi kimi, tütün hər il 8 milyondan çox insanın həyatına son qoyur, 84 milyon ton karbon qazı atmosferə daxil olur və şəkilən siqaretlərdən təxminən 4,5 trilyon filtr ətraf mühiti çirkləndirir.



Hesabata görə, tütün sənayesinin dünya üçün dəyəri hər il 8 milyondan çox insanın həyatı, 600 milyon ağacın kəsilməsi, 200 min hektar torpaq və 22 milyard ton su istifadə etməklə ölçülür. Atmosferə 84 milyon ton karbon qazı daxil olur, təxminən 4,5 trilyon siqaret filtri ətraf mühiti çirkləndirir.
Hesabat müəllifləri xatırladırlar ki, tütünçülük əsasən adambaşına düşən aşağı və orta gəlirli ölkələrdə geniş yayılıb ki, bu ölkələrdə su və əkin sahələri çox vaxt ərzaq istehsalı üçün zəruridir. Bununla belə, bunun əvəzinə tütün yetişdirmək üçün su və torpaqdan istifadə edilir və getdikcə daha çox ərazidə meşələr qırılır.



Təşkilatda qeyd edildiyi kimi, tütün sənayesinin fəaliyyəti ilə bağlı təbii mühitin çirklənmədən təmizlənməsi xərcləri sənayenin özündən çox vergi ödəyicilərinin üzərinə düşür. Çində, ekspertlərin fikrincə, bu cür xərclər ildə təxminən 2,6 milyard dollar, Hindistanda - təxminən 766 milyon, Braziliya və Almaniyada - 200 milyondan çox təşkil edir.

İlkin Nəcəfzadə
AzVision.az




Teqlər: Siqaret  



Xəbər lenti


Azvision.az ©2014 | Bütün hüquqları qorunur