Putin məhz 2022-ci ilin iyununda İstanbulda əsirlərin mübadiləsini nəzərdə tutan ilkin razılaşmaların əldə olunduğunu xatırladıb. Rusiya lideri Moskvanın həmin prinsiplər əsasında danışıqları davam etdirməyə hazır olduğunu vurğulayaraq, “oturub danışıq aparmağı” təklif edib.
“Rusiya qoşunları bütün döyüş təmas xətti boyunca irəliləyərək bütün istiqamətlərdə strateji üstünlüyü saxlayır, Ukrayna ordusunun itkiləri və resurslarının çatışmazlığı isə səfərbərlik səviyyəsini üstələyir”, - Vladimir Putin vurğulayıb.
Ukraynalı həmkarı ilə şəxsi görüşün mümkünlüyündən danışan Putin söhbətin Ukrayna hökumətinin “legitimliyindən ” və "sənədləri kimin imzalayacağından" getdiyini bildirib.
Onun dediyinə görə, tərəflərin qərar vermək səlahiyyəti olmalıdır. Ona görə də danışıqlar masası arxasında konkret kimin tərəfdaş olacağı vacibdir.
- Biz görüşməyə hazırıq və yeri gəlmişkən, Zelenski də daxil olmaqla, hamı ilə görüşməyə hazır olduğumu demişəm. Bəli. Sual bu deyil. Ukrayna dövləti danışıqlar aparmağı kiməsə etibar edirsə, Allah xatirinə, Zelenski olsun. Amma məsələ bu deyil”, - Rusiya prezidenti vurğulayıb.
Vladimir Putin bildirib ki, vəzifə təkcə indi münaqişəyə son qoymaq yox, oxşar vəziyyətlərin təkrarlanmasının qarşısını alacaq perspektivli həll yolunu tapmaqdır.
Sahil İsgəndərov
AzVision.az
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
