AzVision.az xəbər verir ki, bu zaman Tara Rid Erməni Apostol Kilsəsinin (AEK) Karapetyanın təqibini “Ermənistanın baş naziri Nikol Paşinyanın kilsə əleyhinə hərəkətlərinin təzahürü” kimi qiymətləndirdiyi adlandırdığı bəyanatına istinad edib.

“Xristianlara qarşı inanclarını həyata keçirmək azadlığını riskə atan hücumların daha bir şokedici nümunəsi”, - Co Baydenin keçmiş köməkçisi “X” sosial şəbəkəsində yazıb.

Xatırladaq ki, erməni əsilli rusiyalı iş adamı, “Taşir” Şirkətlər qrupunun prezidenti Samvel Karapetyan 2025-ci il iyunun 18-də İrəvanda hakimiyyəti ələ keçirməyə açıq çağırışlarla bağlı cinayət işi çərçivəsində həbs edilib. Həbs Ermənistan cəmiyyətində və xaricdə geniş rezonans doğurub. Rusiyadakı erməni diasporunun bir hissəsi Ermənistan hakimiyyətinin hərəkətlərini “hüquqi qanunsuzluq” adlandırıb.

Rusiya Xarici İşlər nazirliyinin rəsmi nümayəndəsi Mariya Zaxarova isə bildirb ki, Ermənistanda saxlanılan Samvel Karapetyana Moskva tərəfindən lazım olan bütün yardımlar göstəriləcək.

Samvel Karapetyana qarşı gecə əməliyyatı | VİDEO

Tara Rid 1990-cı illərin əvvəllərində Co Baydenin Senatdakı ofisində işləmiş keçmiş köməkçisidir. 2020-ci ildə, Baydenin prezidentlik kampaniyası zamanı o, 1993-cü ildə baş verdiyi iddia edilən cinsi təcavüz iddiası ilə gündəmə gəldi. Tara Rid senator Baydenin razılıq almadan onu divara dirədiyini və barmaqları ilə bədəninə daxil olduğunu bildirdi.
O, Senata rəsmi şikayət verdiyini iddia etsə də, şikayətin surəti və ya ona istinad tapılmadı.

Açıq şəkildə ittihamları rədd edən Bayden belə bir şeyin olmadığını söylədi. Co Baydenin 50-dən çox keçmiş işçisi belə bir hadisə barədə eşitmədiklərini söylədi. Tara Ridin bəzi həmkarları onun nizam-intizam problemləri və zəif işgüzarlıq səbəbindən işdən çıxarıldığını iddia etdilər.

2023-cü ilin may ayında Tara Rid gözlənilmədən Rusiyaya gedib. Rusiya televiziyasında o, siyasi sığınacaq istədiyini və yalnız orada özünü təhlükəsiz hiss etdiyini açıqlayıb. Xanım Rid onu qəbul etdiklərinə görə Rusiya hakimiyyətinə minnətdarlığını bildirib və burada vətəndaşlıq almaq niyyətində olduğunu açıqlayıb.

Sahil İsgəndərov
AzVision.az