Söhbət bir neçə kadr dəyişikliyi dalğasından sağ çıxan və kabinetin “azsaylı müstəqil düşüncəli” üzvlərindən biri sayılan baş nazir Denis Şmıqalın vəzifəsindən gedir. Onun yerini Ukrayna prezidentinin ofisinin rəhbəri Andrey Yermaka yaxın olan baş nazirin müavini Yuliya Sviridenko tuta bilər.
“Sviridenko ikitərəfli resurs sazişinin imzalanması zamanı ABŞ prezidenti Donald Trampın administrasiyası ilə yaxşı əlaqələr qurub”, - qəzet yazır.
|
| Ukrayna ABŞ-dəki səfirini dəyişəcək | VİDEO |
Vaşinqtonda səfir vəzifəsinə digər namizədlər arasında baş nazirin Avropaya inteqrasiya üzrə müavini Olqa Stefanişina, Müdafiə naziri Rustem Umerov, Energetika naziri German Qaluşenko, Mədəniyyət naziri Nikolay Toçitski və prezident ofisi rəhbərinin müavini İqor Jovkva da var.
“FT”-nin iddiasına görə, bütün qarşıdan gələn kadr dəyişikliklərinə Andrey Yermak şəxsən nəzarət edir. Onun bu prosesdə məqsədi hökumət üzərində öz nəzarətini gücləndirməkdir.
Xatırladaq ki, hələ bir həftə əvvəl Ali Radanın deputatı Yaroslav Jeleznyak “Novyny.LIVE” telekanalının efirində iyulun 15-də Ukrayna hökumətində dəyişikliklərin olacağını və baş nazir vəzifəsini Yuliya Sviridenkonun tutacağını proqnozlaşdırıb.
Sahil İsgəndərov
AzVision.az
Vaxtında, Aydın, Lazımlı!
-1780404767.jpg&h=120&w=187&zc=1&q=70')
