AzVision.az xəbər verir ki, “Reuters” agentliyinin sifarişinə əsasən, “Ipsos” xidmətinin keçirdiyi sorğunun nəticələri belə qənaət yaradır.
Rəyi soruşulan amerikalıların 71%-i ölkədə cəmiyyətdə dərin parçalanmanın olduğunü düşünürlər. Respondentlərin 66%-i isə siyasi əqidəsinə görə insanlara qarşı zorakılıqdan narahat olduğunu bildirib.
“2025-ci ilin birinci yarısında ABŞ-də siyasi fikir ayrılıqlarına əsaslanan 150-yə yaxın insident qeydə alınıb. Bu, ötən ilin eyni dövrü ilə müqayisədə təxminən iki dəfə çoxdur”, - məlumatda deyilir.
Sorğu iştirakçılarının təxminən 63%-inin fikrincə, siyasi məsələlərin müzakirəsində istifadə olunan ritorika zorakılığın artmasına kömək edir. Təxminən 31% baş verənlərə görə hakimiyyətin məsuliyyətinə diqqət çəkib.
Qalanları ya hadisələrə əhəmiyyətli təsiri görmədiklərini, ya da cavab verməkdə çətinlik çəkdiklərini açıqlayıblar.
Sentyabrın 12-dən 14-dək onlayn rejimdə aparılmış sorğuda həddi-büluğa çatmış 1037 ABŞ vətəndaşı iştirak edib.
Sahil İsgəndərov
AzVision.az
Reuters: “ABŞ parçalanma ərəfəsindədir”
16 Sentyabr 2025
Oxunub:970
Amerikalılar partiyalar arasındakı artan fikir ayrılıqlarından və siyasi zorakılıqdan narahatdırlar.
Teqlər: ABŞ cəmiyyət parçalanma
Vaxtında, Aydın, Lazımlı!
-1780404767.jpg&h=120&w=187&zc=1&q=70')
