Göyçayda Nar bayramı I FOTOSSESİYA

Göyçayda Nar bayramı I FOTOSSESİYA
  09 Noyabr 2025    Oxunub:1216
Göyçay şəhərində ənənəvi "Nar Festivalı" keçirilib.
Bu il 16-cı dəfə baş tutan festival minlərlə insanı Göyçayda bir araya gətirib. Festivalda narla bağlı müxtəlif yarış və müsabiqələr, xalq sənətkarlığının nümayişi və bölgəyə məxsus mədəniyyət nümunələri tamaşaçıların böyük marağına səbəb olub. Musiqi sədaları altında qonaqları qarşılayan təşkilatçılar yerli müəssisələrdə istehsal olunan təbii nar şirələrini və nar məhsullarını təqdim ediblər.



2006-cı ildən etibarən təşkil olunan "Nar Festivalı" ölkənin kənd təsərrüfatı və aqrar mədəniyyətinin bir hissəsi kimi aqroturizmin inkişafına töhfə verir. Göyçayda yüksək dad və keyfiyyət göstəricilərinə malik gülöyşə, vələs, şirin, şıxbaba, şelli mələsi, qırmızıqabıq, bala mürsəl, şahnaz, ağşirin və s. kimi nar növlərin yetişdirilir.



Bayram boyunca nara həsr olunmuş şeirlər, mahnılar və rəqslər səsləndirilib, bədii özfəaliyyət kollektivlərinin, musiqi məktəbi şagirdlərinin, idmançıların çıxışları tamaşaçılar tərəfindən alqışlarla qarşılanıb. Şənlik boyu Göyçayın mədəni həyatını əks etdirən maraqlı səhnəciklər və əyləncəli proqramlar da nümayiş olunub. Azərbaycanın aqrar ixrac potensialının mühüm hissəsi kimi Göyçayda istehsal olunan nar və nar məhsulları xarici bazarlarda tanınmaqdadır. AzVision.az festivaldan fotossesiyasını təqdim edir.















































AzVision.az

Qalereya




Teqlər:



Xəbər lenti


Azvision.az ©2014 | Bütün hüquqları qorunur